Uyu mugore wari wakatiwe igihano cyo kwicwa nyuma y’uko ahamwe n’icyaha cyo gusomana, urukiko rwo muri Sudan y’Epfo rwamugabanyirije igihano.

0
30

Umugore wari wakatiwe igihano cyo kwicwa nyuma y’uko ahamwe n’icyaha cyo gusomana, urukiko rwo muri Sudan y’Epfo rwamugabanyirije igihano.

Uyu mugore w’imyaka 20, wari warezwe ubusambanyi yarokotse kwicwa, ahanishwa gufungwa amezi atandatu nyuma yo kwemera ko yasomye umugabo. Urukiko rwari rwamukatiye igihano cyo kwicwa atewe amabuye bituma icyo cyemezo cy’urukiko rw’ikotsi muri Leta ya Nile cyamaganwa cyane.

Ikigo African Centre for Justice and Peace Studies (ACJPS) kivuga ko igihano yakatiwe ari “uguhonyora bikabije amategeko mpuzamahanga”.

Nyuma y’uko byamaganywe cyane ku isi, urwo rukiko rwasubiyemo uru rubanza. Amaherezo, umucamanza mukuru yahinduye ikirego kiva ku “ubusambanyi” kitwa “igikorwa cy’urukozasoni” bisobanuye ko aho kwicwa agomba kugifungirwa akamara amezi atandatu mu buroko, nyuma y’uko yemeye mu rukiko ko yari kumwe n’umugabo kandi ko bombi basomanaga.  

Umunyamategeko we, Intisar Abdullah, yabwiye BBC ko umucamanza “nta mahitamo menshi yari afite uretse kumukatira”. Abdullah yabwiye BBC ati: “Ikiriho ni uko yemeye mu rukiko ko yari kumwe n’umugabo, aracyari muto cyane kandi ntazi uburyo uru rubanza rukomeye.”  

Uyu mugore wari warekuwe hatanzwe ingwate ariko ubu yajyanywe muri gereza gutangira igihano cye kizamara amezi atandatu .  

ACJPS yavuze ko mu rubanza rwa mbere nta munyamategeko yari afite, kandi amakosa yarukozwemo yatumye igihano cyo kwicishwa amabuye gikurwaho.  

Sudan iracyacira abantu urwo gupfa ku byaba mu cyarabu bita Hudud – ibyaha bivugwa na Allah muri Korowani, birimo ubusambanyi.Itegeko rya Sudan ritanga ibihano nko gukubitwa ibiboko, gucibwa ikiganza n’ikirenge, kumanikwa no kwicishwa amabuye.  

Byinshi mu bihano byo kwicishwa amabuye muri Sudan byakatiwe cyane cyane abagore  byagiye bikurwaho n’Urukiko Rukuru.

Mbere, abaminisitiri muri Leta bavuze ko iki gihano “gisekeje” ariko bemera ko nta muminisitiri wa leta wagira icyo abikoraho. 

Inkomoko: BBC News

Share This

LEAVE A REPLY

Please enter your comment!
Please enter your name here